Welkom, Besoeker
Welkom, Besoeker

Titel: Waarheid dra tog gewig.

Deur Arnold
Datum gepubliseer: 31 Mei 2016 Aantal woorde: 261 1197 Kere gelees 23

So kom vriende en so gaan hulle ook sonder baie redes. Reg in die fleur van hul huwelik droom elkeen vir daardie spesiale lewegewende geskenkie. Soos die jare ook aanskuif bly niks meer in hul plek.
Een aand word ek en my vrou genooi vir ʼn aandete want dit is al laatwinter hier. So al geselsend en vrolik moet ek en my vrou aanhoudend aanhoor hoe ons twee se Liewe Heer Jesus se naam elke keer uit pas ingespan word, wanneer dit goed gaan, asook wanneer dit nie goed gaan nie.
Soos ouers nou maar eenmaal is, word daar net eenkeer gepraat.
“Kom my enigste, dis bed-toe-gaan-tyd.”
“Goeienag almal.” So groet ons hierdie geviktimatiseerde.
Twee minute later is sy terug. “Mammie vir watter een van die twee Jesusse moet ek nou dankie sê?”
Verbaas staar ek en my vrou na mekaar.
“Ag my enigste…”
“Mammie ek hoor tussen elke twee woorde van mammie en pappie se kant?” Sy wil haar kind stilmaak.
Ek beduie aan haar dat sy haar kind ʼn antwoord verskuldig is, maar sy kon nie. Hierdie kind gaan voort:
“Jy weet Mammie en Pappie, ek het die hele tyd geluister na julle gesprek. Hierdie oom en tannie het nooit hierdie naam gebruik nie. Ken hulle dan nie vir Liewe Jesus nie?” So gaan sy en omhels haar ma. Stadig begin haar ma se lyf saggies tril…
Dan vra sy:
“Wat is fout, Mammie?”
“Dit is sommer… ek is lief vir jou.” Meteens oorweldig die emosie haar en begin sy onbeheersd te huil.
“Mammie, hoekom huil Mammie so?”

27 Mei 2016 om 15h15




TEMAS
6 Kommentaar
  1. neels

    1 Junie 2016

    Arnold hierdie bydrae van jou tref mens hard en diep. Dit is n vraag wat ek dikwels vra aan wie se kant is od wanneer daar konflik kom tjussen mense maar ook volke. aan wie se kant is God wanneer n Christen nasie so vertrap word soos in ons land

    • Arnold

      1 Junie 2016

      Neels dankie vir die lees van hierdie stuk. Ek glo nie ons moet durf waag om te vra aan wie se kant God is nie. Ons moet liewer gaan vra hoekom ons nie aan God se kant wil wees waar soveel seëninge is.

  2. Anze

    1 Junie 2016

    Pragtig, baie dankie vir jou bydrae tot die Teenstellings projek

  3. Evelyn van der Merwe

    1 Junie 2016

    Dankie vir die deel, ja dis bitter moeilik om op te tree as Sy naam uit verband gebruik word, tog is dit ons plig. (Ek hoop ek interpreteer die bydrae korrek)

    • Arnold

      1 Junie 2016

      Dankie vir die inloer. Hier gaan die ma en jok vir haar kind sonder om te blik of bloos en die pa is nog een wat nie sy sout werd is nie. Hoekom kon sy nie net die waarheid praat nie.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 119
Kommentaar telling: 473

Gebruikers Aanlyn

0 Lid, 116 gaste aanlyn

Bydrae Totale