Liefde omvou
Ek pluk vir jou die son
sodat jy die eerste strale kan vang
pluk uit die blink branders
‘n kopermaan wat jy in elke
donker nag kan hang
Ek stuur vir jou ‘n soen
dis die minste wat ek kan doen
want jy is my ma
wat meer kan ek vra
Dan vra ek Heer
U het my moeder
die woestyn ingevat
lei haar asseblief daardeur
Want U weet
U moet weet
U weet alles
Want ek verstaan dit nie
dan hoor ek hoe sӗ die Liewe Heer
….Jy mag maar aanhou
om vir my te vra
3 Kommentare
-
Marisa J. Labuschagne
Soos gewoonlik pragtig verwoord!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Mei Moedersdag/Vonkfiksie projek