Welkom, Besoeker
Welkom, Besoeker

Titel: Drake Vlug

Deur Ronel Janse van Vuuren
Datum gepubliseer: 22 Desember 2018 Aantal woorde: 289 522 Kere gelees 3

Die draak was té stadig. Die gevleulde draak het klaar die brandende pêrel onderskep en is oppad na die doelpaal. As die blou span weer wen, gaan hy nooit die einde daarvan hoor nie. Hy klap sy vlerke vir ‘n vale en haas agter die gevleulde draak aan.

Ver onder hom brul die skare en party blaas onwettige vlamme na die spelers in die lug. Die feniks op die draak se span vat vinnig ‘n vuurbad om homself van parasiete vry te maak. Die draak maak sy oë vir ‘n oomblik toe soos die amphithere hard lag dat die trillings deur sy vere kuif tot by sy goudvissie stert strek. Die longdraak het nie sy oë toegemaak nie en is tydelik verblind deur sy spanmaat se flonkering.

Die draak duik kantwaarts. As kaptein van sy span is dit asof al sy opponente dit uit het vir hom. Veral die vuur-mal ondersteuners van die blou span in die skare. Nóg ‘n vuurbal mis hom net-net en ontplof teen die gevleulde draak – wie die brandende pêrel laat val. Die draak duik af en vang dit en vlieg na die ander doelpaal.

Dit is nou of nooit.

Die skare gil en gaan mal. Sy span beskerm hom teen vuurballe en opponente. Drake val na die grond. Die brandende pêrel brand sy poot.

En dan…

Doel!

Die skare gaan wild tekere. Die longdraak val uit die lug uit in skok. Die feniks vlieg deur al die vuurballe en slaan aan die brand.

Die draak het uiteindelik gewen. As spankaptein het hy die pêrel gewen… nou kan hy eindelik sy vuur kry. Nou kan hy ‘n regte draak wees: hy kan ‘n houplek hê vol skatte en vreesbevange mense.




TEMAS
1 Kommentaar
  1. Anze

    22 Desember 2018

    Pragtig, baie dankie vir jou bydrae tot die Desember 2018 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 93
Kommentaar telling: 264

Daagliks skryf ek die stories neer wat in my kop woel. Of dit nou oor olifante en kabouters in die Knysna bos is en of dit oor ‘n tienermeisie is wat die wêreld moet red, ek is daar. My wêreld draai om my twee Rottweilers – hulle leer my om die perfekte dag na te streef, want vandag kan die laaste wees. Die perfekte dag: lag, dink en huil. Om te skryf maak elke dag die perfekte dag. In 2016 EN 2018 was ek ook benoem as Verhaalskrywer van die jaar hier op INK. Ek kan gevolg word op Twitter @miladyronel en meer van my gedagtes kan gevind word op my webtuiste http://www.ronelthemythmaker.com.

Gebruikers Aanlyn

2 Lede, 67 gaste aanlyn

Bydrae Totale