Welkom, Besoeker
Welkom, Besoeker

Titel: Net Reg

Deur Ronel Janse van Vuuren
Datum gepubliseer: 13 Mei 2017 Aantal woorde: 159 102 Kere gelees 3

Sy glimlag vir die soveelste keer, haar oë net-net té kalm soos sy luister na haar dogtertjie se dag by die kleuterskool. Die vyf-jarige babbel oor alles van die oggend se saam-lees storie tot die middagete van harde macaroni-en-kaas.

Dis elke dag dieselfde ding, die kos wat óf hard óf droog óf koud is. “Jiggie” is wat haar kind dit partymaal noem. Net een seuntjie in haar klas kan blykbaar als eet – hy eet sommer haar kos ook klaar sodat sy ook ‘n skoon bord kan hê.

Sy hou haar oë op die besige pad, al wil sy vuur blaas van woede.

Die volgende middag straal haar dogtertjie soos sy vertel van die nuwe tannie wat in die kombuis werk en die lekkerste visvingers en ertjies gemaak het vir middagete.

“Nes mamma s’n.”

‘n Glimlag speel om haar mondhoeke. Partymaal moet ‘n ma doen wat ‘n ma moet doen: verander in ‘n draak om haar kind te beskerm.




  • TEMAS
    1 Kommentaar
    1. profiel foto van Anze

      Anze

      Mei 13, 2017

      Pragtig, baie dankie vir jou bydrae tot die Mei Moedersdag/Vonkfiksie projek 

    Laat u kommentaar

    GESKRYF DEUR
    profiel foto van Ronel Janse van Vuuren

    Jy moet ingeteken wees om boodskappe aan hierdie skrywer te kan stuur.

    Publikasies: 52
    Kommentaar telling: 241

    Daagliks skryf ek die stories neer wat in my kop woel. Of dit nou oor olifante en kabouters in die Knysna bos is en of dit oor ‘n tienermeisie is wat die wêreld moet red, ek is daar.My wêreld draai om my twee Rottweiler seuns – hulle leer my om die perfekte dag na te streef, want vandag kan die laaste wees. Die perfekte dag: lag, dink en huil. Om te skryf maak elke dag die perfekte dag. In 2016 was ek ook benoem as Verhaalskrywer van die jaar hier op INK. Ek kan gevolg word op Twitter @miladyronel en meer van my gedagtes kan gevind word op my blog https://ronelthemythmaker.wordpress.com/.

    Gebruikers Aanlyn

    0 Lid, 229 gaste aanlyn