Welkom, Besoeker
Welkom, Besoeker

Titel: WOORDSMOUS

Deur Woordsmous
Datum gepubliseer: 13 Desember 2017 Aantal woorde: 88 2163 Kere gelees 4

Party sê ek’s ‘n digter
‘n towenaar met taal
al skryf ek net die woorde
wat kleur bring uit die vaal

Ek skink maar net my hart uit
op die wit van skoon papier
wat in kleurpalet omvorm
om die lesers te plesier

Soms struikel rympatrone
en die ritme wil makeer
dan vee ek al die ink op
en probeer maar nog ‘n keer

So smous ek met my woorde
en die liefde vir my taal
dan skryf ek in gedigte
die lewe se verhaal.

© Anton Bosch 13/12/2017




TEMAS
7 Kommentaar
  1. Viooltjie

    14 Desember 2017

    Pragtig, Anton. Ek het dit baie geniet 🙂

    • Woordsmous

      14 Desember 2017

      Baie dankie Viooltjie! Ek waardeer jou inloer en mooi woorde.

  2. Carla Visser

    14 Desember 2017

    Uitstekend! Ek’s mal daaroor!

  3. Toom

    14 Desember 2017

    Menige smouse verkoop skrot.
    Maar nee, ek kom koop graag by jou.
    Dankie.
    GvT

  4. Laantie le Roux

    16 Januarie 2020

    Ek hou van die woorde waarmee jy smous.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 117
Kommentaar telling: 42

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Gebruikers Aanlyn

1 Lid, 52 gaste aanlyn

Bydrae Totale