Jongste aktiwiteit:

Winter wasem

vensterbank gevlok vol sneeu
op ‘n bitter koue, donker nag
die maan is wreed en die wind
kerf met tweelem brute krag
wildeganse vlieg gou suid
ontsnap uit winterkloue uit

boomtakke silhoeët teen horison
as hul kreunend krimp en kraak
met die hemel grysgrou geskets
sterre gevries aan wolkewand
hoendervleis en klappertand
in sout pupil ‘n traan ge-êts

wanneer vlamme kromtrek
flikkerbeelde nadersluip
op riffels van klipmuur dans
is dit soutdruppel vreugde
wat vry rondomtalie ontsnap
word dit in stortreën uitgetap

want die knetter en knars
smelt sneeuvlokkies sag
wat teen hartmure rys
en die druppende hars
stoom liefde na buite
deur wasem- hart ruite




Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.

9 Kommentare

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed