Winterlittekens
as engele die oranje blare skommel
staan die littekens bar en leeg
sonder lewe – sonder vrees
in die winter se oggendlied
wat kraak in gelid
die droefheid van wraak
wat nes onder die kou’
wintergesange falsetto
deur die ysige lug
wat kristalspore laat
onder kleurvolle einders
wat dans in die lig
op woorde wat die wind vertel
oor jeugjare en oudword se hel
so loop die spoor na wie weet waar
verkluim deur die winterson
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
4 Kommentare
-
-
Anze
baie dankie vir jou saamlees en mooi kommentaar Morne ek waardeer baie
-
-
Palet
Pragtig!
-
Anze
Baie dankie Palet ek waardeer baie
-
Maak 'n opvolg-bydrae
Jy moet aangemeld wees om 'n kommentaar te plaas.
morne du preez
hou van hoe die juig en oudheid vergelyk word met die byt van die winter en dat ons weer soekend verkeer na die dae soos die laaste reel sê ''so loop die spoor na wie weet waar verkluim die winterson'' pragtig.