Welkom, Besoeker
Welkom, Besoeker

Titel: WINTERBERG.

Deur Margaret Cordier
Datum gepubliseer: 24 Mei 2019 Aantal woorde: 90 197 Kere gelees 2

Om jou slape klim daagliks witter,
oor jou kruin verweerd die grys.
Teen jou voet het die oggend dou
plek-plek nou, in rypnaalde verkou.

So hopeloos van korte duur
was sy in gloei-oranjé geel –
knus koesterend in jul innig uur,
kon jy jou ‘n ewigheid verbeel.

Weemoedig waai die wind vaarwel.
Herfs is begrawe, getroue metgesel.
In diep rafyn deur gletserpuin
is die kepe om jou mond gesny.

Jou jas hang swaar in swart,
en jou oë stort trane in mere –
wat kristal verys in bitter smart.

MCDb.




TEMAS
2 Kommentaar
  1. Koos Elsum

    28 Mei 2019

    My onderneming was vier kommetare te lewer per week maar met die alleen doel om aan vriende kommetaar te gee (soos ek dit sien). Die doel is dan om so baie te geinspireër om selfde te doen en so digters die addisionele genot van menslike, werklike lesers te gee.’

    Winterberg verbeeld en gee die emosies van ‘n winterberg in ‘n nat streek besonders goed dankie!. Die vloei in die vers kan verbeter word om die vloei van die weer beter te volg en so die leser te help

  2. Margaret Cordier

    28 Mei 2019

    Baie dankie Koos.

    Ek waardeer jou kommentaar en sal dit tot gevolg hê dat my werk waarlik kan groei en verbeter.

    Sal jy asseblief vir my een klein voorbeeld gee van hoe jy die vloei van die gedig kan verbeter.
    Dit is nodig, omdat mens self soms nie die foute kan insien of raaksien nie.

    Baie dankie nogmaals vir jou eerlikheid en ware hulp.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 31
Kommentaar telling: 18

Ek bly in die Waterberge en is baie lief vir alle vorme van kuns. Vir my gee die skryf van gedigte; prosa; sketse en dies meer, die geleentheid om my diepste belewenisse en waarnemings neer te pen en te deel met lesers.

Gebruikers Aanlyn

0 Lid, 62 gaste aanlyn

Bydrae Totale