WINTER 2019
Winter 2019
dié jaar voel sy tande stomp
sy weste wind se asem sonder sny
sy handevryf se wikkeldansies lomp
sy frons so nors oor ons nog kaalvoet bly
die swaels vergaar maar kry nie koers
die son is lui maar doen sy werk
steeds keer sy skyn die somber floers
word mis en koue weggevlerk
die warmgoed vergete weggebêre
hier waar ons handjies vashou op die stoep
knipoog-groet die maan en sterre
net ek en jy in liefde toegesnoep
© Barbara Smit – 16/06/2019
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Junie 2019 projek