Welkom, Besoeker
Welkom, Besoeker

Titel: Wilde perd van Afrika

Deur Palet
Datum gepubliseer: 15 Augustus 2019 Aantal woorde: 199 46 Kere gelees Hou van

(Brons)

Soos die wilde wind hardloop hulle vry deur die vlaktes, met strepe wat blink in die son, en met hoewe vas op Afrika grond. Groot sterk diere maar altyd waaksaam, vir wat om hulle aangaan. Wei in troppe, en wanneer die son sak lyk hulle asemrowend mooi wanneer hul wegsmelt tussen lug en skaduwee.

Gevaar dreig egter om elke hoek en draai, hulle grootste bedreigings is leeus, luiperds en krokedille. Dit is verbasend hoe dapper die zebra’s is, die hings sal sy lewe gee vir die merries met hulle vulletjies. Maar soms is hulle minder gelukkig, die natuur gaan sy gang, en so word die een se dood die andereen se prooi.

Hulle is baie uniek, bly ‘n leeftyd saam, en vorm sterk familie bande. Wanneer saamgepakte wolke opsteek kry mens hierdie gevoel van lieflik oor jou, dit is die onvergeetlike mooi wat die natuur met jou deel. Die naguiltjies wat deur die stilte van die nag gesels, en die knysnaloerie wat knaend na reën roep. Stilte en saligheid troon bo die bome uit, wanneer dagbreek rooi in stofwolke invou. ‘n Nuwe Afrika droom ontwaak, wat bewaarheid sal word in die spore wat sy diere agterlaat.




TEMAS
3 Kommentaar
  1. Anze

    15 Augustus 2019

    Pragtig, baie dankie vir jou bydrae tot die Augustus 2019 projek

  2. Kiekies

    15 Augustus 2019

    Die natuur is mos goddelik!

  3. Palet

    16 Augustus 2019

    Dis waar!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 350
Kommentaar telling: 349

Waar die see en die horison ontmoet, sal die gedruis van die oseaan in die suis van die wind stil raak.. Dis hier waar my drome my woorde in die binnekant van my siel kom lӗ  

Gebruikers Aanlyn

0 Lid, 66 gaste aanlyn

Bydrae Totale