Welkom, Besoeker
Welkom, Besoeker

Titel: Wat kan ek sê?

Deur Ronel Janse van Vuuren
Datum gepubliseer: 15 Mei 2018 Aantal woorde: 106 498 Kere gelees 5

Wat kan ek sê oor my moedertaal
in woorde nie té vreemd, ru of vaal?
Ek maak gereeld amok met my woorde
wat soms verkeerd opgevat word of dalk raak dit akkoorde
van gedagtes en gevoelens liefs vermy
oor volkskunde en die lesse in sprokies van dae lank verby
gehoor op moederskoot in Afrikaans
met leenwoorde vir dít wat volksvreemd is
en tog êrens – diep – verstaan word.
Wat kan ek sê oor my moedertaal
wat ander met meer vernuf
nie al gedig het nie?
Gedigte se woordspasie is té sku vir my
om wêrelde te skilder soos in ‘n verhaal…

*Brons stêr kategorie




TEMAS
1 Kommentaar
  1. Anze

    15 Mei 2018

    Pragtig, baie dankie vir jou bydrae tot die Mei 2018 – Moeder projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 98
Kommentaar telling: 265

Daagliks skryf ek die stories neer wat in my kop woel. Of dit nou oor olifante en kabouters in die Knysna bos is en of dit oor ‘n tienermeisie is wat die wêreld moet red, ek is daar. My wêreld draai om my twee Rottweilers – hulle leer my om die perfekte dag na te streef, want vandag kan die laaste wees. Die perfekte dag: lag, dink en huil. Om te skryf maak elke dag die perfekte dag. In 2016 EN 2018 was ek ook benoem as Verhaalskrywer van die jaar hier op INK. Ek kan gevolg word op Twitter @miladyronel en meer van my gedagtes kan gevind word op my webtuiste http://www.ronelthemythmaker.com.

Gebruikers Aanlyn

1 Lid, 54 gaste aanlyn

Bydrae Totale