VRYHEID GEKOOP DEUR U

VRYHEID GEKOOP DEUR U
(brons)

in die wind wat ritsel deur die bome
en die duifie wat koer koer oor die horison
met die son wat glinsterend loer oor die gesigseinder
daar vind ek my vrede

in die branders wat breek
en die geluid van die see se gesuis in my ore
met die mis wat my saggies soengroet op my gesig
daar vind ek my rus

in die Woord wat ooplê op my tafeltjie
en die vroeë oggendgesprekke met die Here
met kersies wat flikkerend heerlike geure afgee
daar vind ek my stiltetyd

in die moontlikheid deur Sy genade
en Sy liefde wat ons omhels in seën
met duur dieprooi bloed ons gekoop
daar – en net daar – vind ek my vryheid

©️TaniaPascheka
30.06.2020

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag