Welkom, Besoeker
Welkom, Besoeker

Titel: voor-seisoen kalf

Deur Tearlach
Datum gepubliseer: 16 September 2020 Aantal woorde: 108 90 Kere gelees 2

in noordelike somer
is die weskus droog
fynbos krakerig sag
en my duin windstil

die skaap loop traag
op droë stoppelveld
staan en herkou voer
laasjaar se koringoes

eenkant in die kampie
staan watertrog alleen
waar vee daagliks suip
geen koelteboom naby

verlore in die leë veld
staan maer bruin koei
met voor seisoen kalf
vergeefs suig dit daar

laasnag is sy gebore
in bitter koue weer
soek biesmelk anders
sal beslis nie oorleef

na weke se pamperlang
onder boervrou se speen
word voor seisoen vers
lewendig en begin leef

wie weet – miskien sal
sy ook eendag so kalf
in koue winters nagte
een voor-seisoen vers

©Teárlach




TEMAS
2 Kommentaar
  1. Koos Elsum

    17 September 2020

    Man ek verlang nou na die droë landskap wat jy so goed uitbeeld. Die lewe is maar swaar maar ook so medelewend.

    Ek sien jy is oppad na 1000 Pragtig moet fees reël‼️

  2. Tearlach

    17 September 2020

    Hallo Koos, ja mens kan nie dink nie nê. Die tyd vlieg so vinnig verby. Dankie dat jy belangstel. Dink ons moet iets uitdink vir so ‘n fees ja! Hoeveel ander digters het al meer as duisend plasings gemaak?

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 970
Kommentaar telling: 132

Gebruikers Aanlyn

1 Lid, 93 gaste aanlyn

Bydrae Totale