Welkom, Besoeker
Welkom, Besoeker

Titel: Vlugteling

Deur Caren Kearley
Datum gepubliseer: 2 Januarie 2019 Aantal woorde: 113 285 Kere gelees 9

presies 5:30 am word sy wakker
die lewe bloei deur haar are
sy sit die ketel aan, ook die wasmasjien
maak ham en kaas toebies vir skool
dek die tafel vir ontbyt
maak die kinders wakker
en vat vir pappa koffie in die bed

maar in haar kop is ‘n kannibaal;
‘n wegloop hond huil in haar hart
en grou haar binneste vol gate
om ou bene uit te krap,
‘n boomslang seil rond in haar siel
tussen appels wat hy kamma opveil

“Vrou” noem mense haar:
eerste sondaar
ewig onvolmaak

nou wonder ek
is hierdie plek
dan regtig haar huis
en haar perfekte lyf
dan regtig wie sy is?

© 2018 Caren Kearley
Kopiereg voorbehou




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 142
Kommentaar telling: 27

Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

Gebruikers Aanlyn

2 Lede, 91 gaste aanlyn

Bydrae Totale