Welkom, Besoeker
Welkom, Besoeker

Titel: Vir ‘n prinses

Deur Viooltjie
Datum gepubliseer: 22 Junie 2018 Aantal woorde: 121 276 Kere gelees 2

Goud

Punt jou tone teen die blou;
kyk hoe lief die winde jou voete wat soms kaal is
en soms hoëhakskoene dra.

En sou ’n prins jou ooit kom vra
om sy goue ring te dra – soek diamante in sy oë,
vra hom of hy glo in die liefde,
of hy omgee vir die diere van die veld
en vir ’n perd en vir ’n hond.

Dra jou rokkies bont;
dans oneindig onder sterre en die edeltin van mane.
(Jeans is ook oukei.)
En laat waai jou hare in die wind;
die son sal self die amber en die vlamme daarin vind.

Punt jou tone teen die blou en weet…
wéét – hoe lief die heelal jou.

© C. Shaw
22 September 2015




TEMAS
1 Kommentaar
  1. Anze

    23 Junie 2018

    Pragtig, baie dankie vir jou bydrae tot die Junie 2018 – Poëtiese orde projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 340
Kommentaar telling: 914

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

1 Lid, 110 gaste aanlyn

Bydrae Totale