Welkom, Besoeker
Welkom, Besoeker

Titel: Violet Jansen*

Deur Viooltjie
Datum gepubliseer: 10 Maart 2019 Aantal woorde: 166 137 Kere gelees 1

(Goud)

Violet Jansen, het jy maar jou pa
gaan soek voor daglig sou faal
kon jy hom dalk vind – jou Majola;
het jy nooit soos ’n blinde verdwaal

skaarsagt Violet Jansen lê dood
in Agter-Ceres se winterveld
krom arms en fetusskoot –
onskuld verkluim deur geweld

Violet Jansen, die winterkoue
kruip nader oor die berg en vallei;
en soos wingerdstok droog in dodekloue
se greep, Violet Jansen, so sterf dit soms binne in my

© Carma Shaw
10 Maart 2019
10:04

*Neologismes
1. skaarsagt
2. fetusskoot – bene opgetrek in fetusposisie
3. dodekloue

*Klara Majola se regte naam was Violet Jansen

Gedig deur DJ Opperman

Klara Majola

Klara Majola wou haar vader
toe die skemer sak, gaan haal
waar hy, die blinde, hout vergader
maar Klara Majola het verdwaal

Klein Klara Majola lê verkluim
in die Bokkeveld se bros kapok
haar arms en bene bruin
en kromgetrek soos wingerdstok

Klara Majola, die koue geweld
sif stadiger oor my uit die ruim
maar nooit sal ek in die Bokkeveld
so warm, Klara Majola, soos jy verkluim.




  • TEMAS
    2 Kommentaar
    1. Anze

      Maart 11, 2019

      Pragtig, baie dankie vir jou bydrae tot die Maart 2019 projek

    2. Kiekies

      Maart 13, 2019

      Ai man, hoe tragies. In ons moderne wereld sou sy sweerlik eerder aan krimineel se hand gesterf het.

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 330
    Kommentaar telling: 916

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    0 Lid, 2,807 gaste aanlyn

    Bydrae Totale