Welkom, Besoeker
Welkom, Besoeker

Titel: Verlossing

Deur Somerreën
Datum gepubliseer: 30 April 2018 Aantal woorde: 221 567 Kere gelees 4

Die openbaring van voorkeur
is nie beskore vir dit
wat jou laatnag dryf
tot slapeloosheid
in die middernagtelike wroegings
wat ontydig die slaap
kom steel terwyl jou drome
diep verborge in die ring
van die maan
loshande hang
en vryval af grond toe nie

en jy jouself boeglam skrik
terwyl jou hart polsend
teen die kamers
van jou ontnugtering klop
en jy tot die ontstellende
omkeer kom
dat die stryd is nie teen
vlees en bloed nie
maar teen die bose magte
wat laat snags wil kom steel
wat Jesus kom red het

en jy roep na jou Herder
jou Verlosser
en Hy bring sy engelvegters
en span hulle in
om namens jou
die stryd te oorwin

want so dwaas as wat die duiwel is
dink hy dat hy jou kan aanval
terwyl jy in Jesus se beskerming slaap
maar wat hy nie weet nie
is dat Jesus reeds oorwin het
daardie donker dag op Golgota
met die volbringing van Sy dood
en Sy almagtige opstanding

Jesus leef
en soms in die stilte van die nag
probeer die dwaasheid homself
afdwing in jou broosheid
in die tyd wat jy kragte moet opbou
vir dagbreek wat al vinniger kom
en ek sê weer, Jesus leef
die slaap kan my maar kom haal
want my Jesus het reeds die prys betaal.

2018 © C. Holder




TEMAS
1 Kommentaar
  1. Anze

    30 April 2018

    Pragtig, baie dankie vir jou bydrae tot die April 2018 – Paasfees projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 74
Kommentaar telling: 83

Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda.Net bietjie 'n opvolg, ek is tans besig om deeltyds te studeer, so tussen deur die opdragte en eksamens, dig ek ook. 

Gebruikers Aanlyn

4 Lede, 75 gaste aanlyn

Bydrae Totale