Welkom, Besoeker
Welkom, Besoeker
Taal waarskuwing*

Titel: VERLANGE

Deur Benadelle
Datum gepubliseer: 10 Desember 2019 Aantal woorde: 122 126 Kere gelees 1

Ek maak die verweerde bruin koevert
met ‘n dowwe pen-adres en datum
stadig oop.
Die seël se gom is droog en geel,
die stempel oud, maar bekend.

Ek trek die brief uit
aan een van die omkrul-hoekies.
Daars ‘n koffievlek op die buitekant.
Dan vou ek die papier oop –
dit skeur al op die voue.

Die woorde spring weer een vir een
uit die brief en gaan sit in my keel
in ‘n ongemaklike knop
wat my keer op te sluk.
Dis alles steeds waar.

En die brief kry nog ‘n traandruppel-vlek
voordat ek dit weer toevou,
bewerig terugsit in die koevert
en vir ‘n oomblik teen my bors vashou.
Dan bêre ek dit in die laaitjie, tot volgende April.




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 6
Kommentaar telling: 0

Ek is Adelle Benade gebore in 1969 in Despatch. Skryf speel n groot deel in my lewe. Ek sal.baie graag raak gesien wil word deur my gedigte.

Gebruikers Aanlyn

0 Lid, 51 gaste aanlyn

Bydrae Totale