Welkom, Besoeker
Welkom, Besoeker

Titel: Vergelegen

Deur Marieta McGrath
Datum gepubliseer: 9 Julie 2019 Aantal woorde: 117 210 Kere gelees 1

(silwer)

Vergelegen se ingevoerde kamfers
staan al driehonderd jaar onveranderd.
Hulle was maar altyd hier.

Die herehuis ook.
Van der Stel het haar in die lewe gebring –
sorgvuldig, mildelik voorsien deur die VOC –
maar later is sy verwaarloos, selfs onteer
deur die kitsch van ‘n Ier, gelukkig
dat Lady Phillips haar twee eeue later restoureer
tot volle glorie langs die kamfers.

Die slawelosie, daarenteen,
(vierhonderd-en-tagtig vierkante meter
vir meer as tweehonderd mense)
het lankal verdwyn.
Op ‘n warm middag is hier net kinders wat in die bosse lag.

Terloops, Nelson Mandela het hier geslaap
in een van die kothuise
en langs die oeroue kamfers gestaan,
asof geen kamfers ooit hier gegroei het nie.

©Marieta McGrath




TEMAS
1 Kommentaar
  1. Anze

    9 Julie 2019

    Pragtig, baie dankie vir jou bydrae tot die Julie 2019 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 25
Kommentaar telling: 3

Gebruikers Aanlyn

0 Lid, 96 gaste aanlyn

Bydrae Totale