Verander só die herfs
So kom bied jy ‘n najaarsblom
in die troebel van die skugterson
teder die oker van my herfsgedagtes
wat jy in safraan-miedens bind
In tederheid het jy die oes verhaal
korrel-vir-korrel gemaai
delikaat gewan, geweeg
met harstnaar toegesak
Pakskure vol gepak
opbrengs wyd geseën
met bakhandgenade bejeën
onder kwashaal van sakkende son
Kom bied jy ‘n najaarsblom in perske-pienk
verander só dorre herfs na nuwe somer
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
9 Kommentare
-
-
Anze
Baie dankie vir die mooi kommentaar Arnold
-
-
neels
Wat n pragfoto by n pragwerk Anze
-
Anze
Baie dankie Neels
-
-
Palet
Pragtig!
-
Anze
Baie dankie Palet
-
-
Ronel Janse van Vuuren
Jy laat die herfs so mooi lyk op so 'n koue wintersoggend :-)
-
Viooltjie
'n baie mooi gedig, Anze :-)
-
Koekekranka
Allemintig, dat ek hier mis gelees het! Pragtig mensie en jammer vir my aan-die-slaap-wees!
Maak 'n opvolg-bydrae
Jy moet aangemeld wees om 'n kommentaar te plaas.
Arnold
Ek hou van die aanwending hoe jy die herfskleure in strofe een inspan.