Veilig in die nag
Veilig in die nag
Die man wat net is
op sy stil lawaaimanier
met sy hande praat en
gisterseer sag wegmasseer
styf vashou en saggies streel
oor lankalkurwes van ‘n moeë
lyf wat dan geliefkoos voel
altyd eerlik sê wat hy bedoel
in die ernsblou van sy skitteroë
tussen trane deur my laat lag
eerlik opreg my respekteer
fluistersag my veilig hou
in die nag…
Sy skrywershart blootgelê
in elke woord wat dié skrywer sê
met liefde vir die lewende taal
‘n stem wat huil en skree en lag
met woorde wat hom veilig hou
in die nag
© Grootvissie
12 Kommentare
-
-
Francois Meyer
Sonder skroom, maar tog meer iets oorgelaat vir die dieper leser ☺
-
Viooltjie
Aangename kennis, Grootvissie :-)
-
Callie Vermeulen
Aangename kennis... woorde mooi gepen.
-
Pendoring beoordelaar 2
Ek hou van jou diepte.
-
Anze
dis n spieelbeeld van jou menswees Christo, pragtig!!
Maak 'n opvolg-bydrae
Jy moet aangemeld wees om 'n kommentaar te plaas.
Alet
Dis jy daai!