Welkom, Besoeker
Welkom, Besoeker
Taal waarskuwing*

Titel: Veertig dae en veertig nagte

Deur Seirdna
Datum gepubliseer: 30 Maart 2020 Aantal woorde: 97 35 Kere gelees 1

Veertig dae en veertig nagte,
het die Vredevors bepaal.
Stuur Hy reën na hierdie aarde,
om die drek daaruit te haal!

Tussen planne en beradings
word ‘n heerskappy bedreig;
gryp die menigte grashalms,
wyl die watervlakke styg!

Te midde van die chaos
en vele wat verdrink,
weerklink die wyse woorde
“jou God moet jy bedink!”

Die spotters en die loënaars,
se krag en geld verdwyn,
soos die maalkolk van die waters
hul asems ondemyn!

As die hoogste berg te laag word
en die mensdom ondergaan,
hang ‘n triomfboog oor die stilte,
in ‘n kleurespel getaan!




TEMAS
1 Kommentaar
  1. Anze

    30 Maart 2020

    Pragtig, baie dankie vir jou bydrae tot die Maart 2020 – Triomfboog projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 28
Kommentaar telling: 49

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Gebruikers Aanlyn

1 Lid, 32 gaste aanlyn

Bydrae Totale