Welkom, Besoeker
Welkom, Besoeker

Titel: Tuiste vir ‘n seekind

Deur Jessica Venter
Datum gepubliseer: 11 Julie 2019 Aantal woorde: 101 71 Kere gelees 4

ek mis die reuk van jou soutasem
wat deur my roomwit gordyne waai
die duining van jou hartklop
speel vroeg al spieëlglad oor my baai
en spoeg sy wit skuimbolle
woedend tussen die rotse

met jou diep sug
verdonker die horison
rek jy oor my strande
en kom teken jou prentjies
in wasem
teen my skuimwit glas

ek het jou sout in my are
en jou seesand in my siel
tussen jou skulpies
lê my hart vasgevang
my voetspore in jou duine verdiep
as jou skoonheid my betower
fluister jou winde sag in my oor
welkom tuis, seekind

©Jessica Venter
11/07/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 53
Kommentaar telling: 3

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Gebruikers Aanlyn

1 Lid, 120 gaste aanlyn

Bydrae Totale