Welkom, Besoeker
Welkom, Besoeker

Titel: Toe jy knus hier wás – Eduard Smith

Deur Eduard Smith
Datum gepubliseer: 29 Augustus 2019 Aantal woorde: 107 84 Kere gelees 3

Middelweek breek bleek,
laatwintergreep verwelk
soos toe sy aanvanklik
die lewe in ryp kom steel het –
nou weet ek nie waarom
die laatheid van die koue-seisoen
my aan jou laat dink nie?

Is dit die potensiaal
of die onbekende
van veranderlikheid;
is dit jou weggaan
óf die kilheid van jou leë spasies,
die woordlose stlite
om ‘n steeds gedekte tafel
en die verweerde tandeborsel
wat jou glimlag in my skeerspieël is?

Ek wil tog dink, dis nié die verlange nié
maar eerder dat die koue my keer op keer
laat dink hoe knus dit was
toe jy seisoene lank wel hier vertoef het.

©Eduard Smith




TEMAS
1 Kommentaar
  1. Anze

    29 Augustus 2019

    Lekker om jou raak te lees Eduard! Puik stukkie digkuns wat jy hier vasgepen het

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 26
Kommentaar telling: 46

Laat ek in stilte trap voor die deur waar jy jou woorde berg, soveel so, dat as tyd verloop, jy die sagtrap as vriendskap en die stilte as goedkeuring sal ervaar.  Laat my woorde jou vertel wie ek is.

Gebruikers Aanlyn

3 Lede, 107 gaste aanlyn

Bydrae Totale