Welkom, Besoeker
Welkom, Besoeker

Titel: Toe die lig donker word en die donker lig word

Deur morne du preez
Datum gepubliseer: 10 Augustus 2020 Aantal woorde: 220 75 Kere gelees 5

“In die begin was die Woord,
en die Woord was by God,
en die Woord was God”
Johannes vers een.

Sewe dae en sewe nagte,
het Adam gesweet, sy pleidooi
die brandmerk van sy vrou
van goed en kwaad te kou

sewe raak sewentig en sewentig sewe en sewentig;
donker in ‘n kil koue greep
‘n honger omhels die enkels,
‘n diepertasende werklikheid

Aardsgebonde klanke bars soos proefbuise in geboorte
venyn borrel uit die mond
verlore is ‘n afgrond
van goed en kwaad se rou

agter kleed is geen skuil
Eden verruil vir ‘n brandende hel
‘n tv-skerm afgod vir ‘n balkende siel
van goed en kwaad se kou

wie die ware wysheid hoor
in hul donkerste uur
toe lig byster word,
toe Adam weer Adem word

toe roggel stemme stil word
om te weet om te vind;
hoe groot is kwaad, hoe liefs is goed
toe die donker lig word

wat duisternis breek soos die tak
om nie aan vlees te kleef
maar eenheid wees
in die lig wat donker word

en die Woord het liefde geword;
‘n kruis vir die sonde
bloed vir vergifnis
die ewige brood die ewige wyn

dit wat is, is dit wat was
‘n afdruk in die spieël
een en een is nul
die naaktheid in ‘n stil volmaakte Woord.

©Morné du Preez




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 112
Kommentaar telling: 77

n dromerkind van oud nuut in skryfkuns maar die woorde hou my snags wakker,kunstenaar. Leser,loper advontuurus,hengelaar. ek hou my asem op om die hemel te kan vind waar ek nie anders is nie maar een wat nie anders is as ek myself nie.

Gebruikers Aanlyn

0 Lid, 49 gaste aanlyn

Bydrae Totale