Welkom, Besoeker
Welkom, Besoeker
Taal waarskuwing*

Titel: Tinkerbel

Deur Caren Kearley
Datum gepubliseer: 26 Junie 2018 Aantal woorde: 109 230 Kere gelees 4

Uiteindelik het ek myself weer gevind
met my arms gevou om my kind
my siel verstaan dié heilige liefdesdou
van soete woordjies wat aan my wese klou.

Wyd het ek vervreemd verwaai, eentonig soos ‘n ou gesang
in die donker het ek met dorre hande rondgetas, bleek-bang
deur ‘n skim-naelstring het ek gehoor
hoe haar feëtjie stem my bekoor

Haar blink ogies vul my polsslag met lewenslus
alle sorge en pyn neig nader na onbewus
gee my ‘n ewige plekkie in haar hart
moeg vir dors dwaal langs weë van smart

Feëtjies wat dans in haar oog
skiet vonke deur my reënboog.

© 2017 Caren Kearley
Kopiereg voorbehou




  • TEMAS
    1 Kommentaar
    1. Anze

      Junie 27, 2018

      Pragtig, baie dankie vir jou bydrae tot die Junie 2018 – Poëtiese orde projek

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 138
    Kommentaar telling: 27

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    1 Lid, 2,909 gaste aanlyn

    Bydrae Totale