Welkom, Besoeker
Welkom, Besoeker

Navigeer Tema

Reis

Sondag by Augrabies (BRONS)

Deur Datum gepubliseer: 31 Januarie 2021 6

Sondag by Augrabies

Oordonderend, verruk,
aanskou ek verstom tevrede
die oorvloed stortend na benede.

Maar net voor ek dankbaar wegry
noem iemand terloops teenoor my:
“Die eintlike piek word Woensdag verwag”.

En eensklaps word ek meegesleur
deur die onvergenoegde gesmag
na daardie ietsietjie meer
wat ons alewig begeer.

©ASvdMerwe

Alexanderbaai (BRONS)

Deur Datum gepubliseer: 31 Januarie 2021 2

Alexanderbaai

tuis bly verwagtinge
bekend
maar beperk

jy weet gewis
dat die see
soutblou is

***

sou jy die uithoek
van jou wêreld
se grens besoek
vind jy golwe wat Oranje bruis
seewater sonder sout
woestynvervlegde vleiland
flaminke op die strand

‘n verlate diamant

©ASvdMerwe

Heks se Huis

Deur Datum gepubliseer: 12 November 2020 5

kop vlamme dans
rustig op hul eie maat
sonder maats wat
trap.

mooie besems
vee stads verwar
saam met vlamme
in die hemel weg.

kaggel suis
koffie knus in die maag,
lê ek lepel
onder jou dak.

Soos die see (goud)

Deur Datum gepubliseer: 31 Oktober 2020 5

Moenie weer
woorde oor my gooi
of jou asem stadig
teen my afblaas nie
want hier by die see
moes ek alles vir jou gee

die wind in my hare
die strand op die wand van my hart
‒ selfs die sandbank in my siel
alles moes ek net so…

Oestyd na droogte (goud)

Deur Datum gepubliseer: 19 Oktober 2020 5

Het ek my verbeel
of het jou kruiphand
my middel omsingel
— jy my lyf lankenlangs
nader getrek tot duskant jou horisongrens
diep verby jou ongetemde binnewand

het ek my verbeel
of het jou woorde te swaar geraak
tussen die veldblomme wat jy
in hierdie ontspoorde oestyd
so gereeld in…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 124 gaste aanlyn

Bydraes – Argief