Welkom, Besoeker
Welkom, Besoeker

Titel: Stompsinnigheid

Deur Ronel Janse van Vuuren
Datum gepubliseer: 30 April 2019 Aantal woorde: 140 65 Kere gelees 1

“Probeer ‘n ander een. Vinnig!” sê Maggie terwyl sy rond trippel.

“Ek het! Die chimera is net té sterk!” Danielle kyk na die monster moedeloos.

Lawa spat na hulle vanaf die vreesaanjaende gedierte se bek en mis hulle net-net soos ‘n botsende towerspreuk die chimera in die oog tref.

“Ek’s te jonk om te sterf!” gil Maggie.

“Regtig? Ruk jouself reg, sentaur. Ons gaan nie vandag sneuwel nie.”

Danielle haal ‘n sak vol bessies en kaas uit, fluister ‘n towerspreuk en gooi die kos na die chimera.

“Hardloop!”

Terwyl die vreesaanjaende gedierte hulle middagete eet, sap en lawa wat orals trek, vlug die sentaur en die heks by die berg af.

“Nie. ‘n. Woord. Nie,” sê Danielle. As enigiemand sou uitvind dat hulle na die Monster Huis gegaan het, sal hulle uitgelag en gestraf word.

“Ek stem,” runnik Maggie.




  • TEMAS

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 80
    Kommentaar telling: 262

    Daagliks skryf ek die stories neer wat in my kop woel. Of dit nou oor olifante en kabouters in die Knysna bos is en of dit oor ‘n tienermeisie is wat die wêreld moet red, ek is daar.My wêreld draai om my twee Rottweilers – hulle leer my om die perfekte dag na te streef, want vandag kan die laaste wees. Die perfekte dag: lag, dink en huil. Om te skryf maak elke dag die perfekte dag. In 2016 EN 2018 was ek ook benoem as Verhaalskrywer van die jaar hier op INK. Ek kan gevolg word op Twitter @miladyronel en meer van my gedagtes kan gevind word op my webtuiste http://www.ronelthemythmaker.com.

    Gebruikers Aanlyn

    2 Lede, 2,197 gaste aanlyn

    Bydrae Totale