Welkom, Besoeker
Welkom, Besoeker

Titel: Spore in die kraal

Deur Vossie
Datum gepubliseer: 30 Julie 2018 Aantal woorde: 241 408 Kere gelees 7

(Opgedra aan Oom Wals)

Tussen Vrystaat grondpaaie, en Weskus draaie
Lê die verlange in gedagtes soos skaduwees rond
Onder rёenlose blou lug dae en geploegte grond
Is die dae gevul met herinnering in die baai van die hond

Soveel drome lê verlore in ‘n melk kraal se spore
In die koffie en beskuit, ‘n gister weg gesluit
En drome lê seer in die hart, tot die lig van die môre
Die wange weer moet afdroog van trane wat niks kan stuit

Hierdie skokkende gebeure, soos ‘n rolprent in my siel
Van kind en vrou en plaas en reёn my elke dag verniel
En wat is ek ook spesiaal dat Hy my dit moes spaar
Juis nie want Hy maak my sterk Hy ken my elke haar

In hamerslae op warm staal is gebede opgestuur
Vir krag verstaan vir hulp aangaan in elke uur
Self nou hier waar die branders hulle self oor rotse breek
Die seemis die oggend son in ‘n Vrystaat jas wegsteek

In al hierdie dinge is ek nooit alleen
Is daar broers en kinders en mense wat weet
Is daar harte wat saam bloei en jare se sweet
Daar is verstaan en vashou, meegevoel en seёn

Al leer ek dan net nog een ding
‘n lied is iets wat mense saam moet sing
En al is die wêreld hard en soms vol van pyn
Maak mense dit beter met omgee en samesyn.

©Vossie




TEMAS
1 Kommentaar
  1. Anze

    30 Julie 2018

    Pragtig, baie dankie vir jou bydrae tot die Julie 2018 – OOP projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 22
Kommentaar telling: 1

Ek is al 16 jaar getroud met 'n pragtige mensie en pa van 'n besige laaitie. My passie is letterkunde, reis, fotografie en elke oomblik saam met my gesin. My geloof is ons behoud en die gom wat alles bymekaar hou.

Gebruikers Aanlyn

2 Lede, 55 gaste aanlyn

Bydrae Totale