Welkom, Besoeker
Welkom, Besoeker

Titel: Soos die voëls van die hemel

Deur Viooltjie
Datum gepubliseer: 23 April 2016 Aantal woorde: 112 1488 Kere gelees 15

hoe dans ‘n kwikkie tog so wipstert fyn
rinkink ‘n vink, en laat die riete roer
in bome, waar die son deur blare skyn
breek die dag vir ‘n duif wat lustig koer

as die rooivlerkspreeu so verleid’lik fluit
en muisvoëls kwetter waar die pers bos blom
drink jangroen uit die kanferfoelie tuit –
hoe soet die sap wat uit diep kelke kom

pelikane sweef langs ‘n skedelkus
oor die wy’ oseaan, die koudste see
‘n albatros vind op lugstrome rus –
dis storm en wind wat sy vlerk krag gee

die lewe’s nóú, wis elk voël klein en groot
‘n hemels’ vlug – in ‘n stryd – tot die dood

C. Shaw
3 April 2016




TEMAS
9 Kommentaar
  1. Timothy Timmie De Vos Botha

    3 April 2016

    pragtig, lief dit as digters van die natuur dig, dis soooo mooi !!

  2. Evelyn van der Merwe

    3 April 2016

    Hoe mooi inkorporeer jy die assonansie en alliterasie hier. Onverwagte slot wat alles in ‘n neutedop saamvat.

  3. neels

    3 April 2016

    waow Carma het jy maar n slag om oor die natuur te dig

  4. Anze

    6 April 2016

    Pragtig, baie dankie vir jou bydrae tot die Carpe diem projek

  5. Koekekranka

    8 April 2016

    Welgedaan!

  6. Kiekies

    13 April 2016

    Mmmmm, jaaaa, dis pragtig!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 377
Kommentaar telling: 930

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

1 Lid, 52 gaste aanlyn

Bydrae Totale