Welkom, Besoeker
Welkom, Besoeker
Taal waarskuwing*

Titel: Soos die see (goud)

Deur Caren Kearley
Datum gepubliseer: 31 Oktober 2020 Aantal woorde: 112 58 Kere gelees Hou van

Moenie weer
woorde oor my gooi
of jou asem stadig
teen my afblaas nie
want hier by die see
moes ek alles vir jou gee

die wind in my hare
die strand op die wand van my hart
‒ selfs die sandbank in my siel
alles moes ek net so vir jou gee

my skulpies sonder skanse
moes ek tot niet verklaar
ek moes elke korrel
van myself met jou deel

want duskant die rots rondom my rugkant
het ek op die golf van jou stem gery
eers in hoog gety en toe laag-

net om op ‘n groot blou brander
tot in jou arms uit te spoel.

© Okt 2020 Caren Kearley
Kopiereg voorbehou




TEMAS
1 Kommentaar
  1. Anze

    4 November 2020

    Pragtig, baie dankie vir jou bydrae tot die Oktober 2020 – OOP-projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 158
Kommentaar telling: 28

Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

Gebruikers Aanlyn

1 Lid, 104 gaste aanlyn

Bydrae Totale