Welkom, Besoeker
Welkom, Besoeker

Titel: Sonnet vir my lentekind

Deur Loretta Szikra
Datum gepubliseer: 7 Oktober 2019 Aantal woorde: 88 56 Kere gelees 2

Met winter se nadraai was jy hier;
betyds om die somer te bring
Jy’t die asveld vrolik met lente versier –
my hart het van liefde gesing.

Liefde wat diep geanker lê
wat nimmernooit sal vergaan;
meer as wat ek ooit wou hê,
meer as wat ekself verstaan.

Rondomtalie skoppelmaai
lag ons speels die tyd verby –
soos my wêreld om jou tiekiedraai
wentel jou welstand om my;

waar jy liefde volkome volmaak kan vind
soos myne vir jou my blommekind.

Vir my Mieke & Ivahné




TEMAS
2 Kommentaar
  1. Anze

    8 Oktober 2019

    Pragtig, baie dankie vir jou bydrae tot die Oktober 2019 projek – Kleur

  2. Kiekies

    9 Oktober 2019

    Awhhh pragtig!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 129
Kommentaar telling: 215

Gebruikers Aanlyn

4 Lede, 123 gaste aanlyn

Bydrae Totale