Welkom, Besoeker
Welkom, Besoeker

Titel: Sonder winter

Deur Palet
Datum gepubliseer: 6 Junie 2019 Aantal woorde: 193 119 Kere gelees 4

Wit lê die ryp op die gras, heeltemal in kontras met die stomende warm beker koffie tussen my hande toegevou. ‘n Koue wind waai deur my lyf, en my gedagtes krul op tussen ‘n hoop droë blare op die grond. So is elke verhouding ook, sommiges bly groei ander gaan gou dood. Dit is soos blare wat afval van ‘n eens mooi groen boom, gevoellens droog uit en word deur die wind weggewaai.

Ek wonder soms hoe sou die lewe gewees het sonder winter. Sou daar ‘n leemte gewees het in die ander seisoene wat oorbly?

Sou daar nog voëls wees, diere, insekte, self skoenlappers wat rondvlieg, en sierlik fladder in die tuin. Sou die somerson nog so warm skyn, en sou die lente se prag verdwyn. Sou herfs maar net doelloos sy blare in die wind verkleur, sonder rigting verlore in tyd.

Vandag voel ek opgewonde in my hart, en ek kyk verby die vaal. Ek sien die mooi raak, spierwit sneeu op die berg, ‘n kaggelvuur wat knetter in die sitkamer.

Die koue blou-blou hemel kraak vars deur die boom se takke, wanneer die voëltjies luidrugtig daarop gaan sit.




TEMAS
3 Kommentaar
  1. Anze

    6 Junie 2019

    Pragtig, baie dankie vir jou bydrae tot die Junie 2019 projek

  2. Kiekies

    6 Junie 2019

    Nou wonder ek ook???

  3. Palet

    7 Junie 2019

    😉

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 355
Kommentaar telling: 349

Waar die see en die horison ontmoet, sal die gedruis van die oseaan in die suis van die wind stil raak.. Dis hier waar my drome my woorde in die binnekant van my siel kom lӗ  

Gebruikers Aanlyn

2 Lede, 71 gaste aanlyn

Bydrae Totale