Welkom, Besoeker
Welkom, Besoeker

Titel: soeke na vrede

Deur Elroux
Datum gepubliseer: 30 Maart 2020 Aantal woorde: 212 25 Kere gelees 2

ons kyk op na jou daar waar jy staan Brons
triomfboog geëts teen hemelblou
uit graniet gekap
bind jy ons saam in ons strewe na vrede

ek dwaal deur jou grys gange
sien die pioniere
vryheid hul vaste strewe
een veldslag na die ander
maar nooit vrede…

ystervoete wat oor die Drakensberg loop
lewens vasgevang in fresco
wat honger na rede
ons bloedland duur gekoop

die dors van vryheid bly in ons brand
wat sal die skaal laat balanseer
hoeveel moet ons nog betaal?
hoeveel bloed moet ons nog gee?

tog U het ons dié land gegee
U belofte staan verewig
dit is ons wat die gelofte breek
nou word die erwe van ons Vad’re
ons gelofteland gestroop
ons staan weer hier voor ’n Bloedrivier
‘n Drakensberg wat ons moet oor

maar hierdie keer o Heer
is ons uitgegiete water
met voete van klei wat na vreemde erwe loop
ons glo nie meer en sing nie meer:
“Dat die erwe van ons Vad’re vir ons kinders erwe bly”

net die wind van eeue huil
oor die kaal erwe van ons va’dre
ons bely o Heer
ons het papier geword
verstrooi in die wind
ons hol voetstappe weerklink in vreemde strate
soekende om eindelik iewers
ons vryheid te vind




TEMAS
1 Kommentaar
  1. Anze

    1 April 2020

    Pragtig, baie dankie vir jou bydrae tot die Maart 2020 – Triomfboog projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 174
Kommentaar telling: 206

'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

Gebruikers Aanlyn

1 Lid, 67 gaste aanlyn

Bydrae Totale