Welkom, Besoeker
Welkom, Besoeker

Titel: Slot

Deur See-Jay-El
Datum gepubliseer: 30 Desember 2018 Aantal woorde: 93 425 Kere gelees 13

Stomp, die dolk
wat klief
deur die rou wond
van ‘n gekweste siel
draai, dryf, druk
dieper die lem
tot waar etter
vlak onder ou letsel lê.
Sweersels verwyt
verswelg die lug
met beskuldiging.
Die jy en jy;
die ek se pyn –
Joune en myne!

Eindelaas
hang slap hande
langs ‘n lam lyf,
en uit ‘n gebalde vuis
val die laaste veer
geruisloos –
plof op die aarde neer.
Daar is niks meer
om te verklaar
in die verhaal van
twee siele totaal uitpas
Naakte harte, kaal,
ewige gelapte skaad.

© CJ Laing 30/12/2018




TEMAS
3 Kommentaar
  1. Woordsmous

    30 Desember 2018

    Die seer van ‘n gekweste siel..,.’n siel wat nooit kans gegun was om te genees nie, die wond is toegemaak maar nooit skoon gemaak nie, dit wys in die etter onder die die ou letsel…die mes wat stomp is, maw dit glip nei malklik, amper pynloos in om die wond oop te maak en skoon te laat bloei nie, dit moet met gteweld ingedruk word, om die maksimum pyn te veroorsaak. Dit dui vir my op daardie doelbewuste seermaak wanneer een siel die pyn wat hy homself aangedoen het, by die ander een gaan soek en daarom moet hy so seer as moontlik maak, asof dit die etter uit sy eie wond sou dreineer.

    Die verwonde siel wat later weerloos staan, die veer (wat vir my soos ‘n laaste deeperate vredesgebaar lyk) wat geluidloos val, maar die impak wat hierdie val het is enorm in die groter prentjie, daarom plof dit op die aarde neer…

    Dan die weerloosheid, die naaktheid van twee gebrole siel wat uit pas is, ek sien ‘n beeld in ‘n gekraakte spieël waar die twee dele nie mooi bymekaar wil pas nie..dan die slot wat die ewige onherstelbare skade verwoord…

    Dis ‘n gedig wat die leser na asem laat snak want hy voel die rou pyn.

    Jy moet nooit twyfel in jou eie talent nie!

  2. See-Jay-El

    31 Desember 2018

    Dankie vir jou raaklees. Jou bemoediging is inspirasie. Ek waardeer jou terugvoer ontsaglik baie.

  3. Anze

    31 Desember 2018

    Pragtig, baie dankie vir jou bydrae tot die Desember 2018 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 56
Kommentaar telling: 69

Ek lief dit om met woorde te speel.  Dis 'n taal wat lewe in klank, waarin jy uiting kan gee aan jou emosies en ervarings.  Ek het lank gesoek na 'n hawe soos die, waar my werk geevalueer en beoordeel kan word deur ander wat my liefde deel.  Dit sal vir my wonderlik wees om  onafhanklike beoordelaars tot my beskikking te he.  Deur die kritiek en opweeg kan ek net leer... Deel en gesels met my, ek sal graag van julle wil hoor.

Gebruikers Aanlyn

3 Lede, 103 gaste aanlyn

Bydrae Totale