Jongste aktiwiteit:

Epimetheus
vir

Epimetheus

Lees meer oor Epimetheus

BRONSKLAS

JULIE – Oop en nuwe projek

Eervolle vermelding

Masochisme is ‘n wintergewas

Wat is dit wat jou
pelgrimagtig laat terugkeer
na my toe –
Keer op keer
terug na my arms
wat instinktief wag
om te verstrengel en versmoor;
Na my bloederige hande,
en skerpgeveilde naels
waaronder die vrot vlees
van ons vorige gesprek steeds gis;
Na my koue, kliniese woorde
wat doelgerig met chirurgiese
akkuraatheid oopvlek
en ontbloot;
Na hierdie donker
moerashart van my
wat insluk en verteer
en waarlangs beendere
van al jou goeie intensies
nog lê?
Wat is dit wat jou laat uitreik
om my nou nog te probeer raak,
om die hel agter my oë
te kalmeer,
om jou dowwe spieël
voor my stukkende gesig in te skuiwe
sodat ek moet sien wat jy sien:
Iets nog werd om te red…
Wat is dit wat jou
so noukeurig laat vergeet?
Jy behoort minder nalatig
met jou hart om te gaan.

Epimetheus




Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed