Welkom, Besoeker
Welkom, Besoeker

Skrywer:

Annamarie

In Ocean Basket (SILWER)

Deur Datum gepubliseer: 1 April 2021 5

In Ocean Basket

Sushi is vis. Dood en rou.
So ook jy en my verlange na jou.
Ek eet alleen aan die groen goed
met die naam wat ek altyd vergeet.

Dit slaan my asem weg

en brand ‘n pad af in my keel:
amper so intens as die seer
om te weet dat ek jou naam
straks…

Wou (SILWER)

Deur Datum gepubliseer: 1 April 2021 4

Wou

ek sou jou graag wou liefhê

ek’s spyt om dit nou kras te sê
ons was vir mekaar bloot nodig
(dit besef ek nou –
t’rugwerkend gebeskou)

so trane is oorbodig
nou wat jy finaal jou rug draai
op wat ons saam gesaai
(én saam verdraai)
het

net
(gun my dit tog maar sê)

ek sou jou graag wou liefhê

©ASvdMerwe

Sondag by Augrabies (BRONS)

Deur Datum gepubliseer: 31 Januarie 2021 6

Sondag by Augrabies

Oordonderend, verruk,
aanskou ek verstom tevrede
die oorvloed stortend na benede.

Maar net voor ek dankbaar wegry
noem iemand terloops teenoor my:
“Die eintlike piek word Woensdag verwag”.

En eensklaps word ek meegesleur
deur die onvergenoegde gesmag
na daardie ietsietjie meer
wat ons alewig begeer.

©ASvdMerwe

Alexanderbaai (BRONS)

Deur Datum gepubliseer: 31 Januarie 2021 2

Alexanderbaai

tuis bly verwagtinge
bekend
maar beperk

jy weet gewis
dat die see
soutblou is

***

sou jy die uithoek
van jou wêreld
se grens besoek
vind jy golwe wat Oranje bruis
seewater sonder sout
woestynvervlegde vleiland
flaminke op die strand

‘n verlate diamant

©ASvdMerwe

Liefdeslas (BRONS)

Deur Datum gepubliseer: 31 Desember 2020 6

Een Korinthiërs dertien teen jou yskas
as aanklag van die liefdeslas:
teen jou selfkastydende standaard
staan hul liefde wat in misbruik ontaard.

Ek is bly jy is hier.
Kom, ek skink jou nog ‘n bier.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

4 Lede, 155 gaste aanlyn

Bydraes – Argief