Welkom, Besoeker
Welkom, Besoeker

Titel: Skilderdoek klonte

Deur Blommie
Datum gepubliseer: 4 Oktober 2016 Aantal woorde: 156 860 Kere gelees 10

Swart koffie drup
filter ink
Swart vlekke
wat in my siel insink

Versuip en smeer
Smeer die gedagtes en visioene

Deurmekaar in kleur klonte
op ‘n hoop, in ‘n hoek
Met vuil vingers
smeer dit op
my skilderdoek

Verf strepe buite die lyne
Slordige spatsels van random verlange

Leë siele lê rond in tente
Voos geworstel met hul engele

My siel plof in die stof
en val op sy knieë neer
Dit gil en met kramp vingers
grou dit in my verstand se seer

Grou in skadu silhouette van visioene
Van gister, vandag en môre se seisoene

‘n Smeek kreet
breuk deur glas trane
Vryf blink splinters
oor alreeds seer verlange

Wat is hierdie uitlok drange?
Na dieper, diepste
gedagtes en visioene
in lang leë gange

Wat wil Jy hê God?
Dat hierdie gawe
so diep moet ingrawe

Dat grondwater deur krake sypelend
vloei oor my gedagtes akker
Gee my verlossing
en ruk my wakker




TEMAS
3 Kommentaar
  1. Anze

    4 Oktober 2016

    Baie mooi, ek hou van die smeekbede op die einde

  2. Anze

    5 Oktober 2016

    Pragtig, baie dankie vir jou bydrae tot die Oktober projek

  3. Palet

    5 Oktober 2016

    Pragtige kunswerk!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 8
Kommentaar telling: 3

Gebruikers Aanlyn

2 Lede, 92 gaste aanlyn

Bydrae Totale