Welkom, Besoeker
Welkom, Besoeker
Taal waarskuwing*

Titel: Rooiwyn (Italiaanse Sonnet) (Silwer)

Deur Seirdna
Datum gepubliseer: 29 Mei 2020 Aantal woorde: 95 176 Kere gelees 5

In ‘n digmisgetooide môrestond,
teen ‘n ploegskaarlyn van ‘n losklip rand
is ek neergelê deur die boer se hand,
‘n varsloot geplant in geleende grond.
So koelsomersoel en blinkpêrelrond
in volrooi getooi teen die wingerd sand,
vryhand geskilder aan die berghang kant,
soos ‘n smelt in die mond, so ongeskond.

My vrede so soet is per se verby,
sommer net so gepluk en uitgeruk
uit die rustigheid van my droom vallei.
En ek wens dat ek nou gerust sal kry,
in ‘n Langverwacht of ‘n Grootgelukt,
wyl ek vredevol op my rak gedy.




TEMAS
3 Kommentaar
  1. Esmari Potgieter

    30 Mei 2020

    Hallo Seirdna, ek het hierdie gedig van jou so geniet. Die klanke daarin is so lekker soos rooiwyn!

  2. Seirdna

    31 Mei 2020

    Dankie Esmari. Gaan gewis n glasie daarop skink. Sommer môre!

  3. Anze

    1 Junie 2020

    Pragtig, baie dankie vir jou bydrae tot die Mei 2020 – Ek wens dat ek … projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 39
Kommentaar telling: 71

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Gebruikers Aanlyn

0 Lid, 59 gaste aanlyn

Bydrae Totale