Welkom, Besoeker
Welkom, Besoeker

Titel: Progressie (Opdrag 8)

Deur Ryno Rossouw
Datum gepubliseer: 31 Augustus 2018 Aantal woorde: 185 279 Kere gelees 4

Tyd Triolet

Die Tyd Triolet bestaan uit 3 strofes waar elke strofe 5 of minder versreëls bevat:
Strofe 1 moet in die verlede tyd geskryf word
Strofe 2 moet in die teenwoordige tyd geskryf word
Strofe 3 moet in die toekomende tyd geskryf word

Die strofes hoef nie noodwendig in die bogenoemde tye geskryf te word nie, maar daar moet ñ duidelike boodskap oorgedra word van ‘n gebeurtenis of gevoel wat verander of gegroei het.
(Hoe iets was, is en kan/sal/gaan wees). Die gedig moet ook maklik gelees kan word van begin tot einde.

Alliterasie moet minstens een keer in al drie strofes voorkom.

ek onthou vir Julie
waar ek berusting kon vind in jou oë,
waar jou hartklop my toevlug was
en ek kon dronk word op die soene
wat soos winterweerlig deur my are skiet

nou lewe ek vir September
waar die dae soos bloeisels
met die oggendson vrede vind
tussen die soet geure van liefde

en raak ek kinderlik opgewonde oor die dae
waar ek jou verewig en veraltyd sal liefhê
tot die hemel in spieëlskerwe spat
en ons as eenheid openbaar

© Ryno Rossouw




TEMAS
6 Kommentaar
  1. Elroux

    31 Augustus 2018

    Prag skepping Ryno.

  2. Anze

    31 Augustus 2018

    Pragtig, dankie vir jou deelname aan die Pendoring 2 / INK kompetisie

  3. Loretta Szikra

    31 Augustus 2018

    Werklik n pragtige liefdesvers Ryno.
    Ek hou veral van jou slotreël… tot die hemel in spieëlskerwe spat
    en ons as eenheid openbaar.

  4. Callie Vermeulen

    31 Augustus 2018

    Pragtige skepping Ryno. Puik ene om mee te eindig. Welgedaan.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 8
Kommentaar telling: 27

Gebruikers Aanlyn

4 Lede, 97 gaste aanlyn

Bydrae Totale