Welkom, Besoeker
Welkom, Besoeker

Titel: Poetsbakker

Deur Ronel Janse van Vuuren
Datum gepubliseer: 29 Mei 2019 Aantal woorde: 244 85 Kere gelees Hou van

“O, almal het gedink jy’s mal,” sê die groen-gevlekte wimple-feetjie en grinnik van oor-tot-oor. “Ek bedoel, wie sou gedink het dat ‘n ridder so ‘n wonderlike sangstem sou hê?”

Die dawering in Dylan se ore verdrink die musiek, die lag van die partytjiegangers en als anders behalwe Michael se gesig. Hy wou sy swaard trek en…

Hy blaas sy asem stadig uit en bring sy sy gevoelens onder beheer.

“Regtig? En hier het ek gedink dat iemand sou uitvind dat dit een van jou poetse was,” antwoord hy en probeer sy bes om verveeld te klink.

Michael lag.

‘n Mooi meisie met punterige ore bied hulle ‘n skinkbord vol vonkelende drankies aan. Dylan aanvaar een en so-ook die wimple-feetjie. Die ridder grinnik en drink syne. Die grapmaker langs hom het nie eens opgemerk toe sy drankie van groen na blou verander nie.

“Die drankies is nie veronderstel om so te reageer nie…” sê die mooi kelnerin besorgd langs Dylan terwyl hulle kyk na Michael se lawwe optrede onder die klante van die feë-alleenlik klub.

Hy lag lekker soos die poetsbakker bollemakiesie slaan en net in woorde-slaai praat. Die drankie het veroorsaak dat hy deur elke streek wat hy ooit getrek het moes leef. Dylan kon nie wag totdat Michael alles begin sing wat hy wou sê nie – net soos hy eers ure vroeër moes.

“Moenie bekommerd wees nie. Hy’s net ‘n bietjie mal.”

##
*Tema: Kardoes
*Volgens HAT: kardoes = rumoerige groep, skorriemorrie, rowerbende.




TEMAS
2 Kommentaar
  1. Ronel Janse van Vuuren

    29 Mei 2019

    Sien nou eers: Silwer Klas.

  2. Anze

    1 Junie 2019

    Pragtig, baie dankie vir jou bydrae tot die Mei 2019 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 82
Kommentaar telling: 264

Daagliks skryf ek die stories neer wat in my kop woel. Of dit nou oor olifante en kabouters in die Knysna bos is en of dit oor ‘n tienermeisie is wat die wêreld moet red, ek is daar. My wêreld draai om my twee Rottweilers – hulle leer my om die perfekte dag na te streef, want vandag kan die laaste wees. Die perfekte dag: lag, dink en huil. Om te skryf maak elke dag die perfekte dag. In 2016 EN 2018 was ek ook benoem as Verhaalskrywer van die jaar hier op INK. Ek kan gevolg word op Twitter @miladyronel en meer van my gedagtes kan gevind word op my webtuiste http://www.ronelthemythmaker.com.

Gebruikers Aanlyn

0 Lid, 79 gaste aanlyn

Bydrae Totale