Welkom, Besoeker
Welkom, Besoeker

Titel: Passie

Deur Woordsmous
Datum gepubliseer: 1 Desember 2018 Aantal woorde: 104 51 Kere gelees 2

Hart roep na hart
onder Afrika son
dis die eeu’ ou herhaling
van die liefde wat blom
van hande eers soekend
en lippe dan dwingend
van lywe verstrengeld
en harte wat een klop
op oer-oue ritme
teen steilte die berg op
tot die piek voor jul buig
die emosies dra verder
soos die arend se vlug
en dan duiseling stort
in die afgrond na onder
om weer mens te kom word
in die sweet en die asem
wat hortend oor lippe
nog soekend na meer
een sweetlyf wat twee word
as die nagwindjie koel
die passie kom lawe
wat die harte verspoel…..

©16/01/2011 Anton Bosch




  • TEMAS
    4 Kommentaar
    1. See-Jay-El

      Desember 2, 2018

      Die ritmes en rym van jou werk is so gemaklik, ongedwang. Jou woordkeuses is so minimalisties en effektief. Ek hou van die metaforiese vergelyking van die hele stuk. Meesterlik

    2. VlooiBoynton

      Desember 6, 2018

      Wow

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 47
    Kommentaar telling: 31

    Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

    Gebruikers Aanlyn

    0 Lid, 48 gaste aanlyn

    Bydrae Totale