Welkom, Besoeker
Welkom, Besoeker

Titel: Parmantige Haan

Deur Jessica Venter
Datum gepubliseer: 8 Oktober 2019 Aantal woorde: 150 35 Kere gelees 1

Douvoordag kraai die haan saam met die son. Hy raas die hele werf wakker waar hy nog gaap-gaap onder die ou sinkdak skrop. Die voëltjies in die bome kwetter. Hy loer hulle deur ‘n poepoog en kraai nog ‘n keer.
“Stilte, man, kan julle nie sien ‘n man is moeg nie,” kla hy.
“Jy wil mos so vroeg opstaan,” kwetter hulle verder.
Hy draai sy stert punt in die wind op hulle en draf windpomp toe. Miskien sal hy daar rus en vrede kry maar die reën val in groot vet druppels op sy kop. “Ag, tog. Nou is ek sopnat,” kla hy weer en kry weer skuiling onder die ou sinkdak. Vies kyk hy op na die lug en sien die allermooiste reenboog net toe die druppels skielik weer ophou. Hy spits sy ore. Die hele werf is doodstil. Aaah, nou kan hy sy verlore slaap inhaal.




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 89
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Gebruikers Aanlyn

0 Lid, 68 gaste aanlyn

Bydrae Totale