Welkom, Besoeker
Welkom, Besoeker

Titel: PAPLEPEL-GENADE

Deur GhwarriegatQueen
Datum gepubliseer: 26 Junie 2019 Aantal woorde: 478 160 Kere gelees Hou van

PAPLEPEL-GENADE

Jare terug loop ek een namiddag in een van daai winkels waar jy Pic en jou dan skoon polities korrek skrik as dit by die Pay-slag kom.
Ewentewille – klaar betaal en oppad uit, toe daar ‘n skoon dakliggende geraas als oordonner: ‘n Seuntjie van so 4/5 het so entjie van my af al skreeuende op die grond neergeval en met daai vuisies van hom teen die vloer begin slaan. Omdat en oordat, sien; hy wou ‘n sekere iets hê en sy ‘stoute’ ma het geweier om dit vir hom te koop.
Nou – jy kan jou voorstel hoe die ouerlike wyshede heen en weer gevlieg het; van als wat hulle aan die bloedjie sou doen sou hy nou hulle vlees en bloed gewees het.
Die volgende oomblik slaan die knapie se ma reg langs hom neer; en sy skreeu en slaan harder met met haar vuiste as wat hy doen. Was ‘n kwessie van ‘n paar sekondes, toe wip daai seuntjie op en gaan rooi gesiggie eenkant staan; doodskaam vir sy ma wat hom so in die skande steek by al hierdie vreemde ooms en tannies😁
Nodeloos om te sê – ma (met die kop onderste-bo seuntjie) is onder luide applous by die winkel uit!
So sit ekke en dink hier op my geliefde ou Ghwarriegat terwyl ek my Swaard sit en blinkvryf – is nie helemal seker waarom nie; is daar ñ geveg wat iewersters broei…. Hero?…. Hoe nou ookal …. Enne; ja, ek kan nie help om te wonder hoeveel keer (en ek sê dit met net die grootste awe en respek!!) my Meneer – dis hoe ek kleindogtertjie-tyd al my PappaGod noem – en partykere my Hero ook ‘n vloermoer (onder luide applous van Parakletos en die engele😁) moes gooi neffens myne sodat ek kon besef ek is besig om aan te jaag; en ek wou nie luister na Sy Stem nie, oordat en omdat; partykere se soms is my ore aan my amagatta vasgesweis!!
En dan het ek ook skaam, kop onderste-bo eenkant gaan staan. JaJa goed; partykere was ek maar goed dikbek oor Hy my so ‘in die skande steek’; maar selfs dan het ek hier in my binnerste binnekant geweet – dis ekke wat Hom eintlik in die skande gesteek het.
Ek weet my Meneer is die liewerste lief vir my en soms moet die paplepel of ‘n henske vloermoer (by wyse van spreke, nê) ingespan word om hierdie dogtertjie se ore weer te laat werk soos wat dit nou uit die fabriek gekom het… Reset settings😇
Salute my eie persoonlike Meneer – Jy is die beste Pappa in die hele (nie die halwe nie; die hele-ganske) wêreld!!!

Kyk mooi na jouself, liewe Bokkie my babie; en mag jy vandag onder Sy liefnes toegegooi word en warmteer gekoester warm onder ‘n laslappiekombers van genade; soos ‘n vesting teen die koue.
©Liza Daniells




TEMAS
2 Kommentaar
  1. Kiekies

    28 Junie 2019

    Ek het lekker gelees.

  2. GhwarriegatQueen

    2 Julie 2019

    Waardeer jou stilstaan en saamlees honor bright baie, dankie. ‘n Kakelbont kosmos-dag vir jou, laf joe ☕🌹💝

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 68
Kommentaar telling: 21

Vergun my net so n skeutjie se agtergrond; seblief - Ek sal dit kort hou. Ek was vir 26 jaar (van ouderdom 8 jaar) vasgevang in prostitusie, delms, satanisme; ens. Ek sal jou nie opsaal met die detail nie. Ek is nou al 21 jaar deur God se genade vrygemaak van daai boeie van die verlede; maar ek ervaar steeds baie vervolging en verwerping van kerk en Establishment. En - verloor om n laaang storie kort te maak, ek het net mooi ALS - letterlik en figuurlik verloor. Hoeveel maal in die winter moes ek fisies op straat slaap; enne is nou een keer gegangrape......nou sit ek met serviks kanker. Maar dis nie die punt nie. Nie nou nie, in elk geval. Ek wil nie chemo of n hospitaalbed he nie. Ek wil weer die seesand onder my voete voel; die see sien. Ek is onherroeplik mal vir die see; vir mooi, ou Kaapland. Ek wil waag om te glo in die gebeur van n wonderwerk. Weer geluk vind; liefde. Ek wil LEWE!!!

Gebruikers Aanlyn

0 Lid, 89 gaste aanlyn

Bydrae Totale