Welkom, Besoeker
Welkom, Besoeker

Titel: Paasnaweek

Deur Charleine
Datum gepubliseer: 20 April 2019 Aantal woorde: 136 86 Kere gelees 3

mevrou het jy ‘n klein grys kat

hier lê een in die pad

 

ag nee, ag nee, ag nee

 

plat gesmeer

gebroke liggaam

kleinste jongste seun

nou straatligstatistiek

 

jammer, jammer, jammer

voel buurman oor die straat

 

hy’t net so weggejaag

skryn buurvrou langsaan kwaad

 

hou vir my die swart sak oop

sê ‘n vriend en bring ‘n graaf

 

hoekom hy was so klein

wyl my kind ‘n kransie maak

 

ek lig die warm vleis en bloed

my hande nat en taai

sak en lyfie in die donker

in sy tuingraf toegedraai

 

Vrydag in die kerk

gebruik ons wyn en brood

en pyn en pyn en pyn

maar ons bitter beker

mikroskopies in die meesterplan

van ‘n Vaderslam

en die hele ondermaan

 

 

Charleine Olivier © 20 April 2019

(9 Nov. 2000)




  • TEMAS
    1 Kommentaar
    1. Kiekies

      April 22, 2019

      Ai toggie, dis hartseer!

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 77
    Kommentaar telling: 37

    Gebruikers Aanlyn

    2 Lede, 2,860 gaste aanlyn

    Bydrae Totale