Welkom, Besoeker
Welkom, Besoeker

Titel: Oyuki (Silwer)

Deur Ronel Janse van Vuuren
Datum gepubliseer: 28 Junie 2019 Aantal woorde: 155 451 Kere gelees 6

Oyuki loop deur die sneeustorm, ys klou aan haar blou kimono. Die wit duisternis verberg die landskap, maar sy kan voel waar lewe probeer deurdring. Sy draai regs na waar hitte wil-wil sterker word. Sy waai haar hand en die sneeu verdwyn voor haar. ‘n Hout hut verskyn. Sy grinnik. Alhoewel die hutjies oor die berg goeie skuiling bied vir stappers gedurende die warm maande, kan dit niks doen teen die koue nie. Sy wikkel haar vingers en ‘n yswind ruk die deur en hortjies oop. Die mense lê opgekrul en bewend op die hut se vloer. Uitputting het hulle oorweldig. Oyuki skud haar kop. Sy blaas haar koue asem uit oor hulle en hulle hou op bewe. Yskristalle vorm op hul wimpers en lippe. Die hitte verdwyn. En so-ook die lewe wat probeer deurdring het in haar ysryk.

##

Jy kan meer lees oor hierdie Japanese feetjie op my webtuiste: http://www.ronelthemythmaker.com/cold-ones-yuki-onna-and-tsurara-onna-folklore/




TEMAS
2 Kommentaar
  1. Anze

    28 Junie 2019

    Pragtig, baie dankie vir jou bydrae tot die Junie 2019 projek

  2. Kiekies

    28 Junie 2019

    Oijojoi dis treffend!!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 100
Kommentaar telling: 265

Bekroonde Donker Fantasie skrywer Ronel Janse van Vuuren skryf oor gatskop heldinne, die dualiteit van menswees en is mal daaroor om volkskunde te gebruik om haar punt oor te dra. Sy is ‘n Rottweiler tropleier, hoender wrangler en perdekneg. Al haar boeke is te koop van meeste aanlyn winkels. In 2016 EN 2018 was sy Verhaalskrywer van die jaar hier op INK. Sy kan gevolg word op Twitter @miladyronel en op haar webtuiste https://www.ronelthemythmaker.com.

Gebruikers Aanlyn

0 Lid, 85 gaste aanlyn

Bydrae Totale