Welkom, Besoeker
Welkom, Besoeker

Titel: Op ‘n Wintersdag

Deur Woordsmous
Datum gepubliseer: 22 Augustus 2019 Aantal woorde: 117 371 Kere gelees 3

Op ‘n wintersdag as die wolke
grys en laag oor die bruin rivier
se water hang,
en die bloureier aan die oorkant
paddas in die modder vang,
vloei die reën se druppels
ongevraag oor my wang,
as dit oorloop uit
my oog se opgaardam,
en my hart loop draaie
op die ver kuierpaaie
van ‘n land daar ver aan die suidekant
waar Afrika sy punt kom maak
en die see uitspoel op die wit seesand
waar die mense saam
op die strand baljaar
soos hul kom en gaan
elke jaar na jaar,
wyl ek steeds hier bly
waar die bruin rivier
onverstoord, onbesorg,
op sy pad na die see
voor my huis voort gly…

©Anton Bosch 16/08/2019




TEMAS
1 Kommentaar
  1. See-Jay-El

    27 Augustus 2019

    Ai, Woordsmous, hoe lees ek seer verlange in hierdie pragtige beeldende stuk. Die woorde vang die oomblik van verlang so eg vas en maak dit absoluut tasbaar.
    Dit is ‘n besonderse stuk werk, soos altyd!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 110
Kommentaar telling: 43

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Gebruikers Aanlyn

3 Lede, 107 gaste aanlyn

Bydrae Totale