Welkom, Besoeker
Welkom, Besoeker

Titel: Oor Northpine vlieg ’n kolgans

Deur Viooltjie
Datum gepubliseer: 31 Oktober 2018 Aantal woorde: 112 90 Kere gelees 1

(goud)

Aan die einde van die winter
as donker wolke vir ’n wyle wyk
en lentebeloftes in die lug rondwaai,
kom staan ek hier op varinghoogtes
vanwaar ek oor my wêreld heen kan kyk.

Elke jaar, aan die einde van die winter
(tussen gras en bos wat drup van dou)
wonder ek hoe son so rooi kan bloei
agter bolande wat in die vertes blou.

En nou, aan die einde van dié winter
sien ek Franschoek neffens berge wieg;
kranse wat teen die horisonne klim.
Ek laat my blik oor dale gly –
gewaar ’n kolgans wat oor Northpine vlieg.
En soos sy, vlug hierdie oomblik … net verby.

© Carma Shaw
31 Oktober 2018
09:29

(rondeau)




  • TEMAS
    5 Kommentaar
    1. Anze

      Oktober 31, 2018

      Pragtig, baie dankie vir jou bydrae tot die Oktober 2018 projek

    2. Palet

      Oktober 31, 2018

      Mooi

    3. Callie Vermeulen

      November 1, 2018

      Pragtig geskets!

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 296
    Kommentaar telling: 903

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    0 Lid, 59 gaste aanlyn

    Bydrae Totale