Welkom, Besoeker
Welkom, Besoeker

Titel: Onverwagte besoeker

Deur Jessica Venter
Datum gepubliseer: 21 Oktober 2019 Aantal woorde: 223 119 Kere gelees 2

Martie stap in die donker kantoor in. Sy sien nie die ongenooide besoeker wat op haar stoel homself tuisgemaak het nie. Sonder om te kyk gaan sit sy maar spring met ‘n gil op. “Wie de hel!” gil sy toe sy omdraai. Haar gil stol in haar keel toe sy die lang man voor haar sien. Met ‘n onskuldige glimlag op sy mooi bakkies skuif hy die stoel op sy wiele agteruit en klik die lig aan.
“Kyk jy nie voordat jy net sit nie?” vra hy grof.
Martie sluk benoud. “Wie is jy en wat soek jy in my kantoor?” Sy kyk benoud rond.
Hy vou sy arms voor sy bors toe hy regop beur. Hy toring bo haar uit. “Ek het my erfporsie kom haal.”
Haar mond val oop. “Jou wat?”
Die man stap tot voor haar. Vee die krul wat uit haar bolla gekom het agter haar oor in. “Jy het reg gehoor.”
Martie ruk haarself reg. “Ek vra weer, wie is jy?”
Met ‘n grinnik gee hy ‘n tree terug. “Ek is jou halfbroer.”
“Wat! Ek het nie ‘n halfbroer nie.”
“Lyk my ma het jou nie die volle waarheid vertel nie. Lank voor jou ma hier weg gejaag is het sy en my pa ‘n verhouding gehad. Ek is die produk daarvan.”
Sy frons toe die waarheid insink.




TEMAS
1 Kommentaar
  1. Toom

    22 Oktober 2019

    Baie mooi!
    Lekker voorgesmaak vir ‘n interessante verhaal.
    Kom nou, ons wag in spanning. Hoe loop dit verder?
    GvT

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 93
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Gebruikers Aanlyn

0 Lid, 100 gaste aanlyn

Bydrae Totale