Welkom, Besoeker
Welkom, Besoeker

Titel: Ontvlug na jou rus

Deur Cornien
Datum gepubliseer: 31 Maart 2019 Aantal woorde: 186 381 Kere gelees 11

(brons)

Ontvlug na jou rus

Kan ek tog net vir ‘n oomblik ontvlug
na daar waar my siel spoor in hemelse rus:

veilig onder ‘n boom; knus versteek
weg van moet en grootmens wreek

nou dwaal my hart in gange van vergeet
en drink bitter aan elke dag se leed

en hang aasvoëlvoos teen die nagwind
wat streel oor die alleenweeskind

koesterend in sy sussende taal
laat my gedagtes stadig verhaal:

al wat nou oorbly is die bloudruk van toe
al vra jy wat nou, hoekom en hoe.

©Cornien Naudé
31/03/2019
Neologismes:

aasvoëlvoos
alleenweeskind

ONTVLUGTING (Ingrid Jonker)

Uit hierdie Valkenburg het ek ontvlug
en dink my nou in Gordonsbaai terug:

Ek speel met paddavisse in ‘n stroom
en kerf swastikas in ‘n rooikransboom

Ek is die hond wat op die strande draf
en dom-allenig teen die aandwind blaf

Ek is die seevoël wat verhongerd daal
en dooie nagte opdis as ‘n maal

Die god wat jou geskep het uit die wind
sodat my smart in jou volmaaktheid vind:

My lyk lê uitgespoel in wier en gras
op al die plekke waar ons eenmaal was.




TEMAS
1 Kommentaar
  1. Anze

    1 April 2019

    Pragtig, baie dankie vir jou bydrae tot die Maart 2019 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 128
Kommentaar telling: 87

Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.

Gebruikers Aanlyn

3 Lede, 64 gaste aanlyn

Bydrae Totale